進前佮朋友開講講著家己嘛會使做頭家，就想講拄好猶未揣著頭路，來試看覓家己來做一 ê app。目標是共阿娘 ê 擔位舞一 ê 予伊方便管理人客叫菜佮收錢 ê 家私。
頭一擺申請開發者口座，有兩款通揀：個人佮公司。
若是無按算對 Play ／App Store 收錢，揀個人就會使矣。
若想欲收錢，就愛揀公司（愛登記提著統一號碼來申請鄧白氏，兩爿 Store 攏要求愛有這 ê ）
其實個人嘛會使佇 Play ／ App Store 收錢，毋過因為 ē 趁錢 ê 關係，遮 ê Store ē 公開你 ê 住址。講到遮，應該會當了解為啥若是欲佇 Store 趁錢著愛開公司乎（--honnh）？
